Arrestohet një djal i ri nga Korça i cili po transportonte shtetas te huaj me makine kundrejt shpërblimit.
Shtetasi E. B., 19 vjeç, ishte duke levizur në aksin rrugor Pojan-Pendavinj me mjetin tip “Benz”, ku brenda ndodheshin 5 emigrantë të paligjshëm, të cilëve kundrejt shpërblimit ju kishte premtuar kalimin drejt vendeve të BE-së.
Drejtuesi i mjetit, në momentin e ndalimit, ka tentuar të largohet duke mos iu bindur urdhrit të punonjësve të policisë për të ndaluar, por më pas u kap dhe neutralizua.
Po punohet për dokumentimin e plotë të ngjarjes dhe vënien para përgjegjësisë penale të personave të tjerë, të implikuar në këtë aktivitet kriminal.
