A është bërë ish-ministri Lefter Koka bashkëpunëtor i drejtësisë? Flet avokati

Shqipëria

A është bërë ish-ministri Lefter Koka bashkëpunëtor i drejtësisë? Flet avokati

Më: 17 maj 2022 Në ora: 14:03
Lefter Koka

Mediat e pyetën avokatin e ish ministrit të Mjedisit Lefter Koka nëse ai ka marrë statusin e të penduarit dhe a është kthyer në bashkëpunëtor të drejtësisë. Avokati i tij tha se ish ministri nuk ka pse të pendohet dhe të bëhet bashkëpunëtor.

Avokati i ish ministrit te Mjedisit: “Lefter Koka nuk ka përse të pendohet e nuk ka përse të bëhet bashkëpunëtor se bashkëpunëtori në kuptimin e ligjit është një person që tregon përgjegjësi për veten e tij apo dhe për personat e tjerë.

Në rastin konkret Lefter Koka nuk ka përse të pendohet e të bashkëpunojë se të jesh i hapur me organin e hetimit, t’i përgjigjesh pozitivisht kërkesës që do japësh shpjegime për të treguar rrethanat e ngjarjes nuk do të thotë që je bashkëpunëtor me drejtësinë”.

Pyetje: SPAK a po tenton të bëjë një bashkëpunëtor në çështjen e inceneratorëve?

Avokati: SPAK i ka të gjitha mundësitë e mjetet të kërkojë e gjejë bashkëpunëtorë por jo te Lefter Koka, te personat e tjerë që janë aty, të identifikohen, të thirren, të hetohen e ata nga ana e tyre të sigurojnë mbrojtës, të sigurojnë cigare nëse e pijnë apo dhe veshjet e stinës.

Avokati tjetër i Lefter Kokës tha se sot: “Kemi një masë të dytë të vendosur nga gjykata, për të njëjtin akt penal. kjo është e pazakontë për ne, është cenim i të drejtave. Shpresojmë që Apeli ta shfuqizojë këtë vendim”.

“Këto masa i përkasin të njëjtit fakt penal. Kemi të bëjmë me të njëjtin fakt penal, Vendimin Gjykata do ta shpallë nesër në orën 10:00. Ne mendojmë se kushtet janë më të lehtësuara. Prokuroria i ka mbledhur të gjitha provat. Do të bëhet një ekspertim i detajuar mbi pretendimet e prokurorisë. Nga ana tjetër rreziku i ikjes është inekzistentë. Dhe rreziku i kryerjes së të njëjtës vepër nuk ekziston për shkak se nuk është më ministër”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat