Terrorizmi, arrestohet një 56 vjeçar nga Kukësi

Shqipëria

Terrorizmi, arrestohet një 56 vjeçar nga Kukësi

Më: 24 maj 2022 Në ora: 18:10
Ibrahim El Salih (Lekica)

Një 56 vjeçar nga Kukësi, Ibrahim El Salih (Lekica) u arrestua nga specialistët e Drejtorisë së Antiterrorit, në bashkëpunim me Drejtorinë Vendore të Policisë Kukës si i dyshuar për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”.

Sipas të dhënave të shpërndara nga policia, i dyshuari “postonte me profile false në rrjetet sociale, foto dhe shkrime nxitëse, thirrje publike dhe propagandë për kryerjen e veprave terroriste kundër disa institucioneve të rëndësishme shtetërore”

Drejtoria e Antiterrorit kishte kryer hetime për disa muaj pasi kishte identifikuar disa profile flase në rrjetet sociale ku postoheshin shkrime të ndryshme në përkrahje të ISIS, apo thirrje qytetarëve, për përkrahje të luftës në Siri.

Sipas policisë 56 vjeçari, është një person me prirje ekstremiste fetare. Arestimi i tij u realizua pasi vendimi për masën e sigurisë ndaj tij, ishte marrë më parë nga gjykata së Posaçme Kundër Korrupsionit dhe Krimit të Organizuar, ndërkohë që çështja i ka kaluar tanimë Prokurorisë së posaçme, SPAK./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat