110 –vjetori i shoqatës panshqiptare ‘VATRA’/ Meta: Rol thelbësor në proceset integruese të vendit dhe promovimin e identitetit kombëtar

Shqipëria

110 –vjetori i shoqatës panshqiptare ‘VATRA’/ Meta: Rol thelbësor në proceset integruese të vendit dhe promovimin e identitetit kombëtar

Më: 12 qershor 2022 Në ora: 21:29
Ilir Meta

Presidenti Ilir Meta ka marrë pjesë në New York në 110 vjetorin e shoqatës panshqiptare “VATRA’ dhe konferencën ‘Vatra- 110 vjet në shërbim të Atdheut dhe kombit shqiptar.’

Në këtë aktivitet kreu i shteti ka shprehur mirënjohjen  për përpjekjet e vatranëve për të shpëtuar kombin shqiptar, mbrojtur dhe promovuar identitetin  kombëtar, europian, mundësuar pavarësinë e Shqipërisë dhe të Kosovës. Ndërsa ka shtuar se me përpjekjet e tyre kanë ndikuar në procesit integruese të vendit.

Postimi i plotë:

Në këtë ditë të bekuar të 110-vjetorit të Federatës Pan-Shqiptare “Vatra”, që përkon me Ditën e Çlirimit të Kosovës, jam shumë i lumtur të marr pjesë në Neë York në Konferencën Shkencore Ndërkombëtare “VATRA – 110 vjet në shërbim të Atdheut dhe kombit shqiptar”.

Mirënjohje përpjekjeve shekullore të vatranëve për të shpëtuar kombin shqiptar, mbrojtur dhe promovuar identitetin tonë kombëtar europian, mundësuar pavarësinë e Shqipërisë dhe të Kosovës, si dhe përshpejtuar proceset tona demokratizuese dhe integruese.

Të gjithë së bashku të shumëfishojmë përpjekjet për të përshpejtuar zhvillimin e qëndrueshëm të Shqipërisë dhe Kosovës, nxitur investimet e huaja, dekurajuar fenomenin tragjik të shpopullimit të trojeve shqiptare dhe forcuar marrëdhëniet e shkëlqyera dhe partneritetin strategjik me SHBA.

Zoti e bekoftë miqësinë shqiptaro-amerikane dhe kombin tonë!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat