“Gjykata” e PD pezullon vendimin, anulohet procesi i rivotimit për kryesinë e Korçës

Shqipëria

“Gjykata” e PD pezullon vendimin, anulohet procesi i rivotimit për kryesinë e Korçës

Më: 24 qershor 2022 Në ora: 17:47
Foto ilustrim

Komisioni i Apelimit dhe Vlerësimit të Statutit në Partinë Demokratike ka vendosur sot të pranojë kërkesën e ankimuesve në degën e PD në Korçë për të pezulluar procesin e rivotimit për Kryesinë pranë kësaj dege.

KAVS vendosi pezullimin e procesit të rivotimit të mbajtur nga Komisioni i Rithemelimit, në këtë degë me qëllim të hetimit të plotë dhe të thelluar të kësaj çështje deri në vendimin përfundimtar.

”Pezullimin e vendimit të KOKOE datë 13.06.2022 me Nr.71/2 Prot., për përsëritjen e procesit të votimit për Kryesinë e PDSH-së, Dega Korçë më datë 25.06.2022, deri në marrjen e vendimit përfundimtar nga Komisioni i Apelimit dhe Vlerësimit të Statutit pranë PDSH-së”,thuhet në vendim.

VENDIMI

I mbajtur më datë 24.06.2022 në praninë e anëtarëve të Komisionit të Apelimit, znj. Adriana Kalaja, znj. Anxhela Malko, z. Elton Bano, z. Gledis Çela dhe z. Ledio Nuraj, pasi morëm në shqyrtim ankesën e bërë nga Kryesia e Re e zgjedhur në Degën e PDSH-së Korçë: Në bazë të kërkesës bërë nga Kryesia e zgjedhur e PDSH-së Dega Korçë dhe pasi dëgjuam pretendimet nga një grup anëtarësh të kësaj kryesie përkatësisht znj. Viollandi Stojku, z. Arian Haruni, z. Niko Cukal dhe z. Irvin Bode,

KONSTATUAM: Se kërkesa për pezullim për përsëritjen e procesit të votimit për Kryesinë e PDSH-së, Dega Korçë më datë 25.06.2022, është e drejtë dhe nisur dhe nga afati i shkurtër kohor i përsëritjes së zgjedhjeve si dhe nga fakti I nevojës së kryerjes së një hetimi të thelluar nga Komisioni I Apelimit lidhur më këtë çështje, duhet pranuar.

PËR KËTO ARSYE:

Bazuar në dispozitat ligjore parashikuar në Statutin e Partisë Demokratike shqiptare, e konkretisht në nenet 53 dhe 54 të saj,

VENDOSËM:

1.Pezullimin e vendimit të KOKOE datë 13.06.2022 me Nr.71/2 Prot., për përsëritjen e procesit të votimit për Kryesinë e PDSH-së, Dega Korçë më datë 25.06.2022, deri në marrjen e vendimit përfundimtar nga Komisioni i Apelimit dhe Vlerësimit të Statutit pranë PDSH-së.

Njoftimin e këtij vendimi KOKOE dhe Degës PDSH-së Korçë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat