​Shqipëria nis përgatitjet për Samitin e OKB-së “Transforming Education”

Shqipëria

​Shqipëria nis përgatitjet për Samitin e OKB-së “Transforming Education”

Më: 24 qershor 2022 Në ora: 18:18
Pamje nga takimi

Shqipëria përgatitet të marrë pjesë në samitin e nivelit të lartë të “Transforming Education”, i cili është thirrur nga Sekretari i Përgjithshëm i Kombeve të Bashkuara dhe që do të organizohet në Nju-Jork nga Organizata e Kombeve të Bashkuara në shtator të këtij viti.

Ky samit mbahet për të treguar edhe një herë angazhimin në mbështetje të arsimit, si një e mirë e patjetërsueshme publike globale.

Ministrja e Arsimit dhe Sportit, Evis Kushi u takua me ambasadoren e Shqipërisë në UNESCO, Besiana Kadare, me të cilën biseduan rreth përgatitjeve për pjesëmarrjen e Shqipërisë në këtë samit.

Ministrja Kushi e konsideron këtë samit “një mundësi të shkëlqyer për Shqipërinë për të vënë arsimin në krye të agjendës sonë kombëtare”.

Me angazhimin e të gjithë aktorëve të arsimit në botë samiti do të ndihmojë në mobilizimin e veprimeve, ambicieve, solidaritetit dhe zgjidhjeve të nevojshme për arritjen e Objektivit të Katërt për Zhvillim të Qëndrueshëm (SDG 4) që është Arsimi, si dhe për transformimin e arsimit deri në vitin 2030./ATSH

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat