Me pistoletë lodër/ Dështon tentativa e grabitjes së farmacisë në Tiranë

Shqipëria

Me pistoletë lodër/ Dështon tentativa e grabitjes së farmacisë në Tiranë

Më: 25 qershor 2022 Në ora: 11:30
Foto nga vendi i ngjarjes

Dështon tentativa e grabitjes në një farmaci në Tiranë.

Ngjarja u regjistrua mëngjesin e sotëm në rrugën ‘Hoxha Tahsin’, ndërsa mësohet se persona të maskuar kanë tentuar të marrin paratë e xhiros ditore në farmaci.

Burime të policisë thanë se grabitësit, ende të paidentifikuar, kanë kërcënuar farmacistin me një pistoletë lodër.

Policia sakaq ndodhet në vendngjarje, dhe ka nisur hetimet për identifikimin e më pas arrestimin e autorëve. Në ndihmë, do të merren edhe pamjet nga kamerat e sigurisë që ndodhen pranë zonës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat