​Helikopteri i Forcës Ajrore evakuon alpinistët e bllokuar në Valbonë

Shqipëria

​Helikopteri i Forcës Ajrore evakuon alpinistët e bllokuar në Valbonë

Më: 26 qershor 2022 Në ora: 23:06
Foto ilustrim

Pas njoftimit të marrë nga terreni, helikopteri tip EC 135 ka evakuuar nga maja e Zhaporres në zonën e Valbonës, në 2328 metra lartësi katër alpinistët e bllokuar në terrenin e thepisur.

Një prej alpinistëve ka një frakturë dhe po dërgohet për të marrë ndihmën shëndetësore.

Lajmin e bëri të ditur Ministria e Mbrojtjes, ndërsa ministri Niko Peleshi në një postim në rrjetet sociale theksoi se ekuipazhi i helikopterit EC 135, i Forcës Ajrore bëri të mundur evakuimin e alpinistëve të lënduar.

“Në kohë rekord të dy alpinistët e bllokuar në një zonë të thepisur u dërguan për ndihmë në spitalin e Traumës. Mirënjohje pilotëve të Forcës Ajrore. Të angazhuar për një turizëm të sigurt në të gjithë Shqipërinë”, u shpreh ai./atsh

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat