“Drejtësi për Jonadën”/ Protestuesit para Kryeministrisë telefonojnë Ramën, por nuk u përgjigjet

Shqipëria

“Drejtësi për Jonadën”/ Protestuesit para Kryeministrisë telefonojnë Ramën, por nuk u përgjigjet

Më: 8 gusht 2022 Në ora: 20:55
Foto ilustrim

Është mbajtur sot në kryeqytet protesta e dytë pas vdekjes tragjike të 7-vjeçares Jonada Avdia në Himarë më 2 gusht.

Protestuesit janë mbledhur para Ministrisë së Brendshme nën moton “Drejtësi për Jonadën”, e cila humbi jetën ndërsa pushonte me familjen në plazhin e Himarës, kur skafi i komisarit Arjan Tase e përplasi dhe i mori jetën në vend.

Protestuesit kanë lëshuar thirrje për drejtësi e kundër qeverisë në dyert e ministrisë. Më pas kanë lyer me bojë të kuqe muret e ministrisë së Brendshme.

Përveç këtyre, pati edhe një thirrje telefonike pa përgjigje.

Qytetarët e vendosur para Kryeministrisë kanë provuar të telefonojnë ‘live’ kryeministrin Edi Rama, por megjithëse zilja ra, celularin nuk e ngriti askush.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat