Rama në Turqi me ftesë të Erdogan

Shqipëria

Rama në Turqi me ftesë të Erdogan

Më: 10 gusht 2022 Në ora: 00:17
Foto ilustrim

Kryeministri i Shqipërisë, Edi Rama, ka ndërprerë pushimet për t’ju përgjigjur ftesës së presidentit truk, Rexhep Tayp Erdogan, për t’u bërë pjesë e ceremonisë zyrtare të Lojërave të Solidaritetit Islamik, ku do të përfshihet dhe skuadra olimpike shqiptare.

Por vetë Rama lajmëron se do të marrë pjesë dhe në një takim siç thotë ai shumë të rëndësishëm pune në Ankara pa specifikuar nëse do të pritet nga presidenti Erdogan apo ndonjë zyrtar tjetër i lartë turk.

Ajo që zbulon është fakti që do të diskutohet mbi ecurinë e projekteve të bashkëpunimit. E në fakt Turqia ka dhënë mbështetjen e saj financiare për disa projekte të rëndësishme veç zonës së pallateve në Laç, një prej të cilave është dhe Xhamia e Namazgjasë.

Kjo e fundit ka përfunduar dhe është folur disa herë për data të ndryshme të inaugurimit të saj ku prezent do të ishte dhe vetë presidenti Erdogan, por është shtyrë pa u bërë të qarta arsyet e vërteta.

Në vizitën e tij të fundit në Tiranë në 17 Janar presidenti turk përveçse shprehu zhgënjimin që Shqipëria nuk ka marrë hapa konkretë kundër eksponentëve të strukturuar të FETO-s kërkoi që kjo sjellje të mos errësonte marrëdhëniet vëllazërore mes dy shteteve.

Nuk dihet nëse dhe kjo çështje do të preket në takimin e rëndësishëm që kryeministri thotë se do të zhvillojë këto dite në Ankara

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat