Plagosja në Kuçovë, identifikohet autori

Shqipëria

Plagosja në Kuçovë, identifikohet autori

Më: 14 gusht 2022 Në ora: 18:40
Foto ilustrim nga vendi i ngjarjes

Një konflikt për motive të dobëta dyshohet se u bë shkak i plagosjes së 45-vjeçarit, Admir Bejo mbrëmjen e së shtunës në Kuçovë. Burime pranë grupit hetimor bëjnë me dije se ngjarja ka ardhur pas një zënke të çastit që i plagosuri ka patur me një komshiun e tij tashmë të identifikuar dhe shpallur në kërkim nga policia.

Fillimisht mësohet se mes tyre ka pasur një debat verbal në banesën e autorit, e më pas situata ka agravuar deri në përdorimin e armës së zjarrit, me të cilën u qëllua 2 herë 45-vjeçari.

Ishin kalimtarët të rastit në lagjen ‘1 Maji’ në Kuçovë që gjetën të gjakosur në rrugë Admir Bejon i cili më pas u transportua në spital ku vijon të marrë ndihmë mjekësore, jashtë rrezikut për jetën.

45-vjeçari, Bejo nuk është një emër i panjohur për uniformat blu, pasi në 2007 ai dyshohet se së bashku me vëllanë e tij Ilija Bejon, kanë tentuar që të vrasin 2 vëllezërit Ardian dhe Saimir Kundja.

Ngjarja ndodhi, teksa dy vëllezërit Kundja ishin duke dalë nga hyrja e pallatit në të cilin jetonin. Pas të shtënave, dy autorët që menduan se i lanë të vdekur shënjestrat e tyre, u larguan me shpejtësi nga vendngjarja, por vëllezërit e plagosur u dërguan në spitalin e qytetit dhe mundën të shpëtonin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat