Rritje e lehtë e temperaturave, si do të jetë moti këtë fillim jave

Shqipëria

Rritje e lehtë e temperaturave, si do të jetë moti këtë fillim jave

Më: 15 gusht 2022 Në ora: 07:26
Ilustrim

Territori shqiptar përgjatë gjithë 24-orëshit parashikohet të jetë në mbizotërimin e kushteve të qëndrueshme atmosferike, ku ultësira perëndimore do të jetë në dominimin e kthjellimeve dhe kalimeve të vranësirave. Ndërsa në zonat malore parashikohet që vranësirat të jenë më të dukshme por nuk do të sjellin reshje.

Sipas MeteoAlb, temperaturat e ajrit do të rriten lehtë në mëngjes dhe në mesditë duke luhatur vlerat ditore nga 8°C deri në 32°C.

Era do të fryjë mesatarisht me shpejtësi 25 km/h nga drejtimi Jugor duke krijuar në brigjet detare dallgëzim 1 – 2 ballë.

Kosova

E hëna sjell përmirësim të ndjeshëm të kushteve të motit duke bërë që Kosova të dominohet nga kthjellimet dhe kalimet e pakta të vranësirave. Edhe pse herë pas here vranësirat do të bëhen më të dukshme ato nuk do të mund të sjellin reshje në vend.

Maqedonia e Veriut

Zhvillimi i një qendre të presionit të lart atmosferik mbiu Ballkanin Perëndimor do të sjelli dominim të motit të qëndrueshëm dhe në territorin e Maqedonisë së Veriut përgjatë gjithë ditës. Parashikohet që në Maqedoninë e Veriut të ketë alternime kthjellimesh dhe vranësirash, më të dukshme këto në orët e pasdites.

Rajoni dhe Europa

Evropa Veriore dhe Qendrore do të jenë në dominimin e vranësirave të shpeshta të cilat do të mund të gjenerojnë reshje shiu. Po ashtu më shira të pakët do të jetë dhe pjesërisht Ballkani Verior. Ndërsa pjesa tjetër e Jugut të kontinentit dhe Evropa Lindore parashikohet të jenë në ndikimin e kushteve të qëndrueshme atmosferike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat