Tiranë, kapen me veshje kontrabandë te rruga e "5 majit", prangosen 4 persona

Shqipëria

Tiranë, kapen me veshje kontrabandë te rruga e "5 majit", prangosen 4 persona

Më: 2 tetor 2022 Në ora: 12:40
Foto ilustrim

Policia e Tiranës ka goditur një rast veprimtari kriminale në fushën e kontrabandës me mallra të ndryshme.

Në këtë operacion janë sekuestruar mallra dhe veshje të ndryshme, të dyshuara të kontrabanduara.  

Ndërkohë, janë vënë në pranga 4 shtetas që bashkëpunonin për transportimin dhe tregtimin e këtyre mallrave.

Polica në rrugën "5 Maji" ka lokalizuar dhe ndaluar fërgonin me drejtues shtetasin B. M. dhe pasagjer shtetasin A. K. Ku u gjetën mallra kontrabandë pa pullë fiskale.

“Specialistët e Seksionit për Hetimin e Krimit Ekonomik dhe Financiar në DVP Tiranë, në bashkëpunim me Prokurorinë pranë Gjykatës së Shkallës së Parë Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, pas një pune të mirëfilltë hetimore, organizuan dhe finalizuan operacionin policor të koduar "Free road 3".  Si rezultat i këtij operacioni u bë arrestimi në flagrancë i shtetasve: B. M., 33 vjeç, banues në Kukës, A. K., 41 vjeç, banues në Tiranë; A. K., 34 vjeç, dhe B. I., 33 vjeç, të dy banues në Tiranë, administratorë të dy subjekteve tregtare.” – njofton policia.

Vijon puna për identifikimin dhe kapjen e personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat