Vrasja e Pjerin Xhuvanit, vajza e tij kërkon të ndalohet publikimi i pamjeve! Avokatja i drejtohet prokurorisë

Shqipëria

Vrasja e Pjerin Xhuvanit, vajza e tij kërkon të ndalohet publikimi i pamjeve! Avokatja i drejtohet prokurorisë

Më: 2 tetor 2022 Në ora: 12:45
Pjerin Xhuvani

Vajza e Pjerin Xhuvanit ka kërkuar ndalimin e publikimit të pamjeve të vrasjes së babait të saj para zgjedhjeve të 25 Prillit të vitit të kaluar.

Në komunikatën e shpërndarë për mediat nga prokuroria e Elbasanit thuhet se hetimi është kërkuar nga avokatja e vajzës, Rezarta Tahiraj e cila ka kërkuar ndjekje penale për të verifikuar kush i ka bërë publike pamjet që duhet të ishin përdorur vetëm në fushën gjyqësore.

Ajo gjithashtu ka nënvizuar se vajza e viktimës kërkon pengimin e shpërndarjes së mëtejshme të këtyre pamjeve.

“Ato imazhe të vrasjes të shpërndara në mënyrë të paligjshme janë parë në mënyrë të pavullnetshme edhe nga e asistuara ime – bën të ditur Avokate Rezarta Tahiraj duke ju referuar vajzës së viktimës – dhe kjo situatë i ka shtuar stres dhe dhimbje në konstatimin që babai i saj është vrarë pavarësisht pranisë të shumë policëve”.

Tahiraj i ka kërkuar Prokurorisë të verifikojë nëse krahas videove janë shkelur me shpërndarjen, dokumente të tjera të fashikullit gjyqësor në përdorim në seancën paraprake.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat