Kokalari sulmon dhe Kalanë me Vokshin

Shqipëria

Kokalari sulmon dhe Kalanë me Vokshin

Më: 5 tetor 2022 Në ora: 07:51
Evi Kokalari

Aktivistja e PD, Evi Kokalari sulmoi dje në “Facebook” dhe kryetaren e Komisionit të Apelimit në Grupin e Rithemelimit Adriana Kalaja.

Reagimi i saj erdhi pasi Kalaja i quajti të pamoralshme pretendimet e Kokalarit dhe demokratëve të tjerë për manipulim zgjedhjesh në FRPD, duke i akuzuar se i kanë përfituar privilegjet partiake pa meritë.

“Më vjen çudi se ata që kritikojnë garën dhe na bëjnë moral, i janë përvjedhur gjithmonë asaj. Çdo gjë në jetë e kanë fituar dhuratë nga prindërit,bashkëshortët dhe dashnorët”, shkruan Kalaja.

Ish-mbështetësja e Berishës e konsideroi Kalanë si të paaftë profesionalisht pasi pretendon se avokatja në fjalë e përfundoi me korrespondencë Fakultetin Juridik në 2020.

Ajo kritikoi dhe deputeten e Rithemelimit, Albana Vokshi për kontributin negativ të dhënë për zgjerimin e forumit të gruas në PD.

“Kjo është Kryetarja e Komisionit te Apelimit, që dhe juridikun e mbaroi me korrespondence dy vjet më parë. Klasi i saj, paraqitja fizike dhe profesionale janë fytyra e re e Partisë Demokratike. Tashti, shkoni apeloni po deshët. Ndërkohë, doja t’i tërhiqja vëmendjen Albana Vokshi për punën e shkëlqyer që po bën me gratë e Partisë”, u përgjigj Kokalari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat