Begaj në Ditën e Çlirimit: Përulemi me mirënjohje përpara kujtimit të dëshmorëve

Shqipëria

Begaj në Ditën e Çlirimit: Përulemi me mirënjohje përpara kujtimit të dëshmorëve

Më: 29 nëntor 2022 Në ora: 12:20
Presidenti Bajram Begaj

Presidenti Bajram Begaj, sot në Ditën e Çlirimit të Shqipërisë, u shpreh se përulen me mirënjohje përpara kujtimit të dëshmorëve.

Ai shtoi se nderimi më i madh që mund t'i bëhet sakrificës së heronjve të atdheut, është duke mbajtur gjallë kujtimin e tyre, duke i shërbyer vendit më përkushtim e përgjegjësi, e duke mos e marrë lirinë kurrë të mirëqenë.

“Në Ditën e Çlirimit, nderojmë dëshmorët e Shqipërisë, që dhanë jetën e tyre për të mbrojtur vendin nga pushtuesit nazifashistë. Lavdi përjetë Dëshmorëve të Atdheut!”, shkroi Begaj në Facebook.

Shqiptarët sot festojnë 29 Nëntorin, Ditën e Çlirimit të vendit nga pushtuesit nazifashistë më 1944. Politika shqiptare e feston sërish e ndarë Ditën e Çlirimit të vendit, edhe pse 29 Nëntori është data zyrtare e kujtimit të kësaj dite. Të majtët respektojnë 28 Nëntorin si Ditën e Pavarësisë dhe 29 Nëntorin si Ditën e Çlirimit, ndërkohë që të djathtët i përkujtojnë të dy festat më 28 Nëntor.

Debati për Festën e Çlirimit mbetet ende i ndezur në politikën shqiptare, ku e djathta ndjek të njëjtin model si gjatë mandatit të saj të parë qeverisës, kur ka ndryshur datën e Çlirimit, nga 29 Nëntori më 28 Nëntor, pasi sipas saj, kjo e fundit ishte zgjedhur nga regjimi komunist, duke falsifikuar historinë. Por, 29 Nëntori e ka fituar sërish statusin e Ditës së Çlirimit kur e majta kishte marrë pushtetin, në verën e vitit 1997, kur me një ligj të posaçëm ishte kthyer në festë zyrtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat