Arrestohet 33-vjeçari, merr me forcë gruan nga vendi i punës, e çon në një lokal dhe…

Shqipëria

Arrestohet 33-vjeçari, merr me forcë gruan nga vendi i punës, e çon në një lokal dhe…

Më: 8 dhjetor 2022 Në ora: 10:13
Foto ilustrim

Një 33-vjeçar është arrestuar nga policia e Tiranës, pasi ka marrë me forcë nga vendi i punës bashkëshorten e tij dhe më pas ka ushtruar dhunë.

Sipas policisë, ngjarja ka ndodhur në rrugën “Qazim Vathi”, ku i riu pasi ka marrë me forcë gruan e tij nga puna e ka dërguar në një lokal dhe më pas ka ushtruar dhunë fizike dhe psikologjike.

Edhe pse gruaja kishte urdhër mbrojtje nga gjykata, bashkëshorti nuk e ka zbatuar.

Njoftimi i policise

I hoqi lirinë dhe ushtroi dhunë ndaj bashkëshortes së tij, e cila ishte e pajisur me urdhër mbrojtjeje, falë veprimeve të shpejta profesionale të shërbimeve të Policisë, kapet dhe vihet në pranga 33-vjeçari.

Shërbimet e Komisariatit të Policisë Nr. 4, pas njoftimit se një shtetas kishte marrë me forcë bashkëshorten e tij nga vendi i saj i punës, e kishte çuar atë në një lokal, pa dëshirën e saj, dhe më pas e kishte dhunuar, menjëherë kanë organizuar punën për kapjen e tij.

Si rezultat i veprimeve të shpejta profesionale nga shërbimet e Policisë, u bë arrestimi në flagrancë i shtetasit:

– A. Sh., 33 vjeç, banues në Tiranë, për veprat penale “Heqja e paligjshme e lirisë”, “Dhuna në familje” dhe “Veprime në kundërshtim me vendimin e gjykatës”.

Ky shtetas ka marrë me forcë bashkëshorten e tij, nga subjekti privat ku ajo punonte, në rrugën “Qazim Vathi”, e ka dërguar në një lokal dhe më pas ka ushtruar dhunë fizike dhe psikologjike, në kundërshtim me vendimin e Gjykatës, e cila e kishte pajisur këtë shtetase me urdhër mbrojtjeje.

Materialet i kaluan Prokurorisë, për veprime të mëtejshme procedurale.

commentFirst article
Sot mund të lexoni Shfletoni kopertinat