Zvicra njeh pensionet e shqiptarëve

Shqipëria

Zvicra njeh pensionet e shqiptarëve

Më: 9 dhjetor 2022 Në ora: 07:23
Zvicra

Kryeministri i Shqipërisë Edi Rama, ka dhënë një lajm shumë të mirë për qytetarët shqiptarë që kanë punuar në Zvicër.

Rama tha se Parlamenti i Zvicrës e ka miratuar me 129 pro Marrëveshjen për Sigurimet Shoqërore.

Me këtë hap shqiptarëve që kanë punuar në shtetin zviceran iu njihet e drejta për ta gëzuar pensionin.

“Parlamenti zviceran miratoi me 129 vota pro marrëveshjen për Sigurimet Shoqërore me Shqipërinë, e cila u firmos në Tiranë më 18 shkurt të këtij vit. Faleminderit Qeverisë Zvicerane, parlamentarëve zviceranë dhe padiskutim ekipeve teknike të përbashkëta, të cilat punuan pa u lodhur për këtë marrëveshje të shumëpritur për shqiptarët që punojnë e kontribuojnë në Zvicrën mike”, tha Rama.

Shefi i Qeverisë së Shqipërisë ka paralajmëruar se një marrëveshje të tillë pritet të miratohet edhe nga Italia.

“Kryeministrja Giorgia Meloni më premtoi pardje në Tiranë, se shumë shpejt do të votohet në parlamentin italian edhe marrëveshja e shumëpritur me Italinë”, theksoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat