Një çift bashkëshortësh 56 dhe 55 vjeç mbetën të lënduar në zonën e Astirit pasi ashensori me të cilin po ngjiteshin për në katin e 5 pësoi defekt dhe në mënyrë graduale zbriti duke u rrëzuar në katin 0.
Si pasojë e përplasjes 56 vjeçari Sinan Kazani së bashku me bashkëshorten Selvien pësuan shembje dhe ndodhen ne spital jashtë rrezikut për jetën.
Nga ekspertimi I kryer nga Inspektorati Shtetëror i Mbikëqyrjes së Tregut ka rezultuar se ashensori është dëmtuar nga mbipesha. Kapaciteti I tij ishte maksimumi 3 persona ndërsa familja Kazani të cilët jetonin me qira në zonë ishin future 5 persona në ashensor.
Banorët pranojnë se nuk kanë qenë të kujdesshëm në përdorimin e ashensorit duke transportuar me të mobilje dhe elektroshtëpiake.
“E ka patur nga mbipesha. Futen më shumë persona se sa mban. Nuk i zbatojnë rregullat”
“Kur ikën dritat me mbeti nipi brenda më ndihmoi administratori ta nxirja. I kemi frikë ashensorët”
“Kam mbetur brenda një herë 45 minuta”.
Ashensori ku ndodhi incidenti ku mbetën të lënduar 2 persona është nxjerrë jashtë funksionit nga Inspektorati Shtetëror I Mbikëqyrjes së Tregut. Por jo vetëm ky ashensor është i rrezikshëm për përdoruesit e tij.
Top Channel mëson se në të gjithnjë vendin janë funksionalë rreth 15 mijë ashensorë por vetëm 1200 janë të regjistruar dhe që përmbushin të gjitha kushtet e sigurisë.
Shumë ashensorë mirëmbahen nga vetë banorët duke iu bërë servis nga persona të pa certifikuar nga shteti. Administratorët e pallateve kujdesen të kryejnë kolaudime periodike por të pa regjistruara në Inspektorarin e Mbikqyres së Tregut.
