Në portin e Durrësit po përpunohen 11 278 tonë mallra dhe 574 njësi kontejnerike.
Autoriteti Portual Durrës bëri të ditur se sot po përpunohen 2 anije tregtare me 3750 tonë mallra si çimento dhe xhina treni në proces përpunimi, ndërsa janë në pritje për t’u përpunuar 3 anije me 7528 tonë mallra si çimento dhe melamin.
Sipas APD-në radë është një anije me 3 000 tonë skrap.
Me vënien në funksion të sistemit operativ online Navis 4, ofrohet një standard i ri pune në fushën e përpunimit të kontejnerëve në portin e Durrësit.
Porti i Durrësit është më i madhi në vend. Anijet tregtare që transportojnë mallra nga/drejt Durrësit kanë lundruar deri tani nga/drejt 67 porteve në 24 vende të botës. /ATSH/
