Mblidhet ditën e nesërme Këshilli i Lartë i Prokurorisë, ja çfarë do të diskutohet

Shqipëria

Mblidhet ditën e nesërme Këshilli i Lartë i Prokurorisë, ja çfarë do të diskutohet

Më: 30 korrik 2024 Në ora: 13:00
Këshilli i Lartë i Prokurorisë

Këshilli i Lartë i Prokurorisë do të mblidhet të mërkurën për të pezulluar nga detyra kryeprokurorin e Vlorës, Aurel Zarka, i cili u vu në pranga një ditë më parë, pasi emri i tij doli në komunikimet në Sky Ecc gjatë përpjekjeve për të pushuar një hetim.

Por, veç diskutimit për të pezulluar Zarkën, gazetarja Anila Hoxha raporton se në mbledhjen e nesërme do të emërohet si prokurore në Prokurorinë e Posaçme Kundër Korrupsionit dhe Krimit të Organizuar, Anita Jella.

Po ashtu, do të diskutohet për të mos caktuar në SPAK prokurorin e Tiranës, Ndini Tavani, i cili më herët ishte renditur si fitues dhe me pikët e plota.

Tavani nuk është konsideruar nga komisioni i SPAK dhe kjo do të thotë se do të ketë diskutime që në vend të tij të emërohet Bledur Maksuti.

comment Për komente lëvizni më poshtë
Sot mund të lexoni Shfletoni kopertinat