Rruga në BE, Sulo: Ja e vërteta e madhe që di Rama për anëtarësimin

Shqipëria

Rruga në BE, Sulo: Ja e vërteta e madhe që di Rama për anëtarësimin

Më: 16 maj 2025 Në ora: 00:44
Edi Rama

Gazetari Arjon Sulo, i ftuar në një intervistë në Euronews Albania, ka shprehur skepticizëm të thellë mbi qëndrimin e Bashkimit Europian ndaj anëtarësimit të Shqipërisë, duke e cilësuar entuziazmin e shprehur nga BE si “fallco” dhe të motivuar politikisht.

Sipas Sulos, edhe Kryeministri Edi Rama është i vetëdijshëm për këtë realitet, por e përdor për përfitime personale dhe politike.

“Po, është e vërtetë. E përdori edhe në fushatë,” tha Sulo, duke iu referuar retorikës së Ramës për integrimin europian. “Ai e di të vërtetën e madhe, që është se, po të jetë për kritere, Shqipëria mund të futet në BE vetëm politikisht”.

Sulo nënvizoi se vendet anëtare të BE-së kanë “luajtur pisët” gjatë gjithë historisë së zgjerimit.

“Kanë qenë hipokritë. Dhe nëse nesër mbaron “lufta” ose ndodh ndonjë erë populiste e ekstremit të djathtë në Francë apo Gjermani, ne jemi jashtë,” shton gazetari.

Duke komentuar sjelljen e Kryeministrit Rama në skenën ndërkombëtare, Sulo tha se ai e përdor çështjen e integrimit, duke i dhënë përfitime të huajve në kurriz të interesave të vendit.

“Rama i di këto, prandaj bën Samite, bën politikë personale duke i dhënë nga interesi i vendit përfitime të huajve”.

comment Për komente lëvizni më poshtë
Sot mund të lexoni Shfletoni kopertinat