Partia Demokratike ka njoftuar zhvillimin e një mbledhjeje të Kryesisë ditën e shtunë, në orën 13:00, ku do të diskutohet mbi përgatitjet për zgjedhjet vendore të 9 nëntorit. Mbledhja do të mbahet në selinë qendrore të PD dhe do të ketë dy pika kryesore në rend dite.
\Sipas njoftimit të shpërndarë për anëtarët e Kryesisë, pika e parë ka të bëjë me një informim nga grupi i punës lidhur me ecurinë e bisedimeve me aleatët për çështjen e përfaqësimit në zgjedhjet e ardhshm lokale.
Ndërkohë, pika e dytë do të përqendrohet në diskutime dhe vendimmarrje për organizimin e procesit zgjedhor në gjashtë bashkitë që do të përfshihen në zgjedhje.
Deri tani si kandidat të mundshëm të opozitës kanë qarkulluar tre figura si Edlira Çepani, Ermal Hasimja dhe Florian Haçkaj.
Nga ana tjetër Kryeministri dhe njëkohësisht Kryetari Partisë Socialiste Edi Rama do të mbledh këtë të premte strukturat e Tiranës në kuadër të zgjedhjeve të 9 Nëntorit.