Euronews Albania ka siguruar dosjen voluminoze të SPAK për grupin kriminal të njohur si “Rrajat”, ku 14 persona akuzohen për trafik të lëndëve narkotike në të paktën tre episode të dokumentuara.
Sipas dokumenteve të SPAK, Rexhep Rraja, djali i ish-deputetit socialist Rrahman Rraja, përdorte pseudonimet “XR1” dhe “New Sky”, duke i shpërdorur ato për komunikimet brenda grupit dhe në aktivitetet kriminale.
Dosja e SPAK zbulon gjithashtu një kodifikim të brendshëm të grupit, ku çdo anëtar kishte nofkat dhe rolet e caktuara.
Kjo duke e bërë komunikimin dhe operacionet më të vështira për t’u zbuluar nga autoritetet.