“Puthja e Shabanit”, Manjani: Spektakël, regji e paparë e Mazhorancës

Shqipëria

“Puthja e Shabanit”, Manjani: Spektakël, regji e paparë e Mazhorancës

Më: 18 dhjetor 2025 Në ora: 22:01
Juristi, Ylli Manjani

Juristi, Ylli Manjani i ftuar në emisionin “Now” me Erla Mëhillin në Euronews Albania ka folur lidhur me tensionet e regjistruara në Kuvend këtë të enjte. Manjani theksoi se puthja që i dha Avokati i Popullit, Endri Shabani opozitës pas betimit ishte një spektakël i bukur që i nxori nga binarët.

Sipas tij opozita kërkon të prodhojë ngjarje për mitingje dhe se shkoi në Kuvend e përgatitur për të shkaktuar probleme. Manjani e shpjegoi situatën në Kuvend si një skene ku “opozita për hallet e popullit çfarë nuk bën ndërsa mazhoranca për hallin e popullit sheh hallet e veta”.

“Si skenar, si skenë. Ishte spektakël shumë i bukur më thënë të drejtën. I paparë. Ta ndërtosh me regji kaq bukur nuk do ishte bërë. E gjitha ishte e bukur. Dihej se opozita do shkonte sot në parlament për të bërë dhunë, për të tërhequr vëmendjen se duhen njerëz për të dalë në shesh, normale në kushtet e Shqipërisë.

Revoltohet populli jo ata që marrin nga 6 milionë lekë rrogë, të mos hymë të kjo temë. Të shohim spektaklin. Po e pe si spektakël ishte shumë i bukur. Këta kishin shkuar për të bërë një show të dhunshëm që në u ndamë njëherë e mirë nga Edi Rama, ca bënë këta i nxorën kopilin, i nxorën Endri Shabanin.

Ata u çakorduan, i nxori nga binarët. Ajo ishte perla. Puthja e Endrit ishte perle, ishte mbyllja e atij skenari të bukur dhe filmi mbaroi, sipari bie. Si skenar ishte shumë i bukur. Ne qoftë se do ta marrim seriozisht duket të luajmë mendsh, përpiquni ta shihni në këtë mënyrë, opozita për hallet e popullit nuk e e ke idenë ca bën dhe mazhoranca për hallin e popullit sheh hallin e vet”, tha ai.

comment Për komente lëvizni më poshtë
Sot mund të lexoni Shfletoni kopertinat