Vrasja e 57-vjeçarit, lihen në burg tre të arrestuarit

Shqipëria

Vrasja e 57-vjeçarit, lihen në burg tre të arrestuarit

Më: 23 janar 2026 Në ora: 14:12
Foto ilustrim

Tre të akuzuarit për vrasjen e 57 vjeçarit P.N, do të hetohen nën masën e “arrestit në burg”. Para gjykatës, i dyshuari kryesor deklaroi se ishte në gjendje të dehur.

Gjykata Penale e Tiranës ka caktuar masat e sigurimit “arrestit në burg” për tre të dyshuarit për vrasjen e Petrit Ndout. Në qeli janë lënë: A.V, F.K, L.S.

Gjatë seancës, ata mohuan që të jenë të përfshirë në ngjarje. Dyshimet kryesore të Prokurorisë janë mbi 27-vjeçarin Vokrri.

Ai pretendon se ka pasur një konflikt fizik, por nuk kujton ta ketë goditur me çekiç pasi ka qenë në gjendje të dehur. Dy të akuzuarit e tjerë, F.K dhe L.s, akuzohen për moskallëzim krimi. Ata pretenduan se u larguan nga vendi i ngjarjes nga frika dhe ndaj nuk e njoftuan policinë.

Ngjarja e rëndë u regjistrua rreth orës një të mëngjesit të së martës në fshatin Bushshnesh, pranë segmentit rrugor Fushë-Krujë–Mamurras.

Petrit Ndou, bashkë me gruan, po ktheheshin në banesën e tyre në Kamëz pas një vizite tek të afërm në zonën e Fushë-Krujës, kur u përballën me tre të rinjtë, të cilët ishin në gjendje të dehur. Konflikti mes tyre filloi për shkak të gërvishtjes së mjeteve.

comment Për komente lëvizni më poshtë
Sot mund të lexoni Shfletoni kopertinat