IKMT aksion në Sarandë, prish disa objekte të ndërtuara pa leje

Shqipëria

IKMT aksion në Sarandë, prish disa objekte të ndërtuara pa leje

Më: 29 prill 2026 Në ora: 13:59
Foto ilustrim

Inspektorati Kombëtar i Mbrojtjes së Territorit (IKMT), në bashkëpunim me Inspektoratet vendore të Mbrojtjes së Territorit dhe me mbështetjen e Policisë së Shtetit, ka nisur një aksion në Bashkinë e Sarandës për goditjen e ndërtimeve të paligjshme dhe lirimin e hapësirave publike.

Ndërhyrja ka filluar këtë të mërkurë në njësinë administrative të Ksamilit, ku po kryhet prishja e objekteve të ndërtuara pa leje. Sipas autoriteteve, operacioni do të vijojë edhe gjatë ditës së nesërme në qytetin e Sarandës.

Në total, parashikohet shembja e rreth 10 objekteve të llojeve të ndryshme, përfshirë struktura betoni të armuar, metalike dhe druri. Këto ndërtime janë konstatuar pa dokumentacionin përkatës dhe në kundërshtim me legjislacionin në fuqi.

IKMT bën të ditur se për të gjitha rastet janë ndjekur procedurat ligjore, duke përfshirë njoftimet dhe masat administrative përkatëse, përpara ndërhyrjes në terren.

comment Për komente lëvizni më poshtë
Sot mund të lexoni Shfletoni kopertinat