Presidenti Begaj: Vlerësim për reformat e ndërmarra dhe përparimi drejt BE

Shqipëria

Presidenti Begaj: Vlerësim për reformat e ndërmarra dhe përparimi drejt BE

Më: 5 maj 2026 Në ora: 14:29
Bajram Begaj

Presidenti Bajram Begaj ka reaguar në një postim në rrjetet sociale, pas miratimit të raportit për Shqipërinë nga Komisioni për Punët e Jashtme i Parlamentit Evropian.

Ai e cilëson raportin si një vlerësim për reformat e ndërmarra për përparimin e vendit në rrugën drejt anëtarësimit në Bashkimin Europian.

Sakaq kreu i shtetit, thekson se Shqipëria është e vendosur dhe e përkushtuar në rrugën e saj europianë për arritjen e objektivit strategjik, anëtarësimit të plotë në BE.

“Miratimi i Raportit për Shqipërinë të Komitetit për Punët e Jashtme në Parlamentin Europian është një vlerësim për reformat e ndërrmarra për përparimin e vendit në rrugën drejt anëtarësimit në Bashkimin Evropian.

Shqiperia është e vendosur dhe e përkushtuar në rrugën e saj evropiane për arritjen e objektivit strategjik, anëtarësimit të plotë në Bashkimin Evropian.“, shkruan Begaj.

comment Për komente lëvizni më poshtë
Sot mund të lexoni Shfletoni kopertinat