Grabitet me armë argjendaria në Kamëz

Shqipëria

Grabitet me armë argjendaria në Kamëz

Më: 16 maj 2026 Në ora: 19:56
Foto ilustrim

Policia me anë të një deklarate për mediet sot në 16 maj njofton për një grabitje në Kamëz.

Ngjarja ka ndodhur rreth orës 13:00, ku dy shtetas ende të paidentifikuar kanë hyrë në ambientet e argjendarisë në pronësi të shtetasit O.L dhe kanë marrë një sasi bizhuterish.

Një nga grabitësit ka qenë i pajisur me armë. Autorët janë larguar, teksa policia po punon për identifikimin dhe kapjen e tyre.

Njoftimi i policisë:

Kamëz/Informacion paraprak

Më datë 16.05.2026, rreth orës 13:00, në Kamëz, dy shtetas ende të paidentifikuar, dyshohet se njëri prej tyre me një send në dukje armë zjarri, kanë hyrë në ambientet e argjendarisë në pronësi të shtetasit O. L, dhe kanë marrë një sasi bizhuterish.

Menjëherë pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle të zonës.

Grupi hetimor, po punon për fiksimin e çdo prove që do të çojë në identifikimin e autorëve dhe kapjen e tyre dhe dokumentimin e plotë të rastit.

Gazetari i Klan News Besar Bajraktaraj ka arritur të sigurojë pamjet e grabitjes së argjendarisë. Siç shikohet në pamje, një nga grabitësit pret jashtë argjendarisë, ndërsa ai me armë merr bizhuteritë.

comment Për komente lëvizni më poshtë
Sot mund të lexoni Shfletoni kopertinat