Mungoi në seancë pas njoftimit të largimit nga grupi i PS, karrigia e Marjana Koçekun zihet nga deputetja e Vlorës

Shqipëria

Mungoi në seancë pas njoftimit të largimit nga grupi i PS, karrigia e Marjana Koçekun zihet nga deputetja e Vlorës

Më: 18 qershor 2026 Në ora: 13:54
Kuvendi i Shqipërisë

Deputetja Marjana Koçeku nuk ishte e pranishme në seancën plenare të kësaj të enjteje, pak ditë pasi njoftoi largimin nga grupi parlamentar i Partisë Socialiste.

Në sallën e Kuvendit u vu re se vendi që ajo mbante deri më tani ishte zënë nga deputetja socialiste e Vlorës, Briseida Çakërri.

Ndryshimi tërhoqi vëmendjen në sallë, ndërsa mungesa e Koçekut vjen në një moment kur largimi i saj nga PS ka qenë në qendër të zhvillimeve politike të ditëve të fundit.

Edhe pse deputetja e Shkodrës nuk mori pjesë në seancë, lëvizja e vendeve në sallë u interpretua si një sinjal i qartë i distancimit të shumicës prej saj.

Sot mund të lexoni Shfletoni kopertinat