Së shpejt liga “Gjergj Kastriot Skënderbeu”, si do të duket?

Volejboll

Së shpejt liga “Gjergj Kastriot Skënderbeu”, si do të duket?

Nga: Kemajl Goca Më: 4 nëntor 2021 Në ora: 17:50
Bahri Gjinovci është në të djathtë

Federata e Volejbollit e Kosovës dhe Federata e Volejbollit Shqiptar, po diskutojnë për mënyrën e organizimit të Ligës Kosovë - Shqipëri,  Liga “Gjergj Kastriot Skënderbeu” në volejboll (meshkuj e femra).

Bahri Gjinovci, kryetar i Federatës së Volejbollit të Kosovës, tha për gazetën kombëtare “Bota sot”, se janë duke biseduar për krijimin e kësaj lige, e cila pritet të fillojë në vitin e ardhshëm.

Sipas Gjinovcit, pritet edhe një takim shumë i rëndësishëm dhe në muajin shkurt të vitit 2022 do fillojë liga “Gjergj Kastriot Skënderbeu”.

A do të jetë Liga me 6 apo me 8 ekipe, gjithçka do të vendoset me gjasë në takimin e nëntorit apo dhjetorit.

Gjinovci thotë se liga nuk do të jetë në formë turneu por ligë garuese me vajtje – ardhje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat