Shqipëria në grup me Bosnjë-Hercegovinën, Maqedoninë e Veriut dhe Rumaninë

Volejboll

Shqipëria në grup me Bosnjë-Hercegovinën, Maqedoninë e Veriut dhe Rumaninë

Më: 8 dhjetor 2021 Në ora: 11:20
Shqipëria në grup me Bosnjë-Hercegovinën, Maqedoninë e Veriut dhe Rumaninë

Në Luksemburg është hedhur shorti i Ligës së Argjendtë në volejboll, event i ekipeve kombëtare, ku do të marrë pjesë edhe Shqipëria, por vetëm me kombëtaren e meshkujve.

Të pranishëm në hedhjen e shortit kanë qenë edhe dy drejtuesit e Federatës Shqiptare të Volejbollit.

Pjesëmarrëse në këtë turne janë 7 ekipe, të ndara në dy grupe. Shqipëria ndodhet në Grupin B bashkë me Bosnjë-Hercegovinën, Maqedoninë e Veriut dhe Rumaninë (grupi tjetër ka tri skuadra).

Dy ekipet e para të secilit grup do të shkojnë në fazën gjysmëfinale, që zhvillohet në Hungari, më datat 18-19 qershor.

Faza e grupeve do të luhet me sistem vajtje-ardhje dhe takimet do të nisin në muajin maj 2022. Pra, Shqipëria e trajnerit Jani Melka do të luajë 6 ndeshje në fazën e grupeve (kjo fazë mund të zhvillohet edhe me sistem grumbullimi të ekipeve ne një shtet).

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat