Liga “Gjergj Kastrioti”, zyrtarizohen ekipet pjesëmarrëse të turneut

Volejboll

Liga “Gjergj Kastrioti”, zyrtarizohen ekipet pjesëmarrëse të turneut

Më: 13 janar 2022 Në ora: 16:00
Liga “Gjergj Kastrioti”, zyrtarizohen ekipet pjesëmarrëse të turneut

Federata Shqiptare e Volejbollit (FSHV), përmes një postimi në rrjetet sociale, ka bërë me dije se në shkurt të këtij viti, në bashkëpunim me Federatën e Volejbollit të Kosovës (FVK), do të nisin një turne mbarëkombëtar. Një Ligë të përbashkët, e ngjashme me atë që ka nisur basketbolli, që do të quhet “Gjergj Kastrioti”.

Edicioni i parë, që do të zhvillohet në periudhën shkurt-mars të këtij viti, do të jetë në një format të reduktuar. Më pas, ky turne do të kthehet në një kampionat të rregullt, me pjesëmarrjen e një numri të madh ekipesh në të dyja kategoritë.

Kështu, në edicionin e parë, do të marrin pjesë dy ekipe nga Shqipëria e dy nga Kosova, meshkuj e femra. Do të luajnë ekipet që u renditën më mirë në përfundim të fazës së parë të kampionatit.

Kështu, për meshkuj do të jenë ekipet e Tiranës, Erzenit (Shqipëria), Ferizajt e Pejës (Kosova). Ndërsa për femra do të jenë skuadrat e Skënderbeut, Tiranës (Shqipëria), Drita Gjilan dhe Ferizaj Volley (Kosova). Ende nuk është vendosur se si dhe ku do të zhvillohet ky edicion i parë i kësaj Lige.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat