Blinera Jaha i gëzohet fitores së Fer Volleyt: Uroj të vazhdojmë me këtë ritëm 

Volejboll

Blinera Jaha i gëzohet fitores së Fer Volleyt: Uroj të vazhdojmë me këtë ritëm 

Më: 6 maj 2022 Në ora: 15:07
Jaha i gëzohet fitores së Fer Volleyt: Uroj të vazhdojmë me këtë ritëm 

Volejbollistja Blinera Jaha mbrëmë ishte qelës i fitores së Fer Volley-t, me rezultat 3:0 ndaj Dritës së Gjilanit, në ndeshjen e dytë të finales së play-off-it të Superligës së Kosovës. 

Jaha u shqua si organizatore dhe ka qenë si “vullkan” në momentet vendimtare.

Fer Volley barazohet në seri të fitoreve (1:1) në finale dhe ndeshja e tretë tani luhet në Gjilan.

Jaha është e lumtur për këtë fitore të madhe, duke i falënderuar edhe tifozët “Ujqit”, të cilët ishin lojtari i shtatë i tyre.

Fer Volley mbrëmë tregoi lojë të pëlqyeshme në përballje me kampionen në fuqi. 

“Së pari jam shumë e lumtur që fituam lojën e dytë dje dhe i përgëzoj vajzat për paraqitjen dhe për shpirtin luftarak që treguan në fushë.

Duke krahasuar ndeshjen e parë me atë që bëmë dje kishte dallime të mëdha, ku si pike kyqe ishte edhe atmosfera që ka mbretëruar brenda ekipit ku besoj që ka ndikuar shumë në lojën e secilës prej nesh.

Publiku vendas ishte në numër të madh në përkrahje tonë, e në veçanti tifozeria ‘Ujqit’.

Uroj të vazhdojmë me këtë ritëm edhe nesër në lojën e tretë dhe mbi të gjitha shpresoj që të jetë përsëri një lojë e mirë nga dy ekipet që ta shijojmë të gjithë adhuruesit e volejbollit!”, thotë Jaha për gazetën kombëtare “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat