Vëllaznimi kampion i Kosovës në grupmoshën U16, meshkujt - mposht Malishevën në finale

Volejboll

Vëllaznimi kampion i Kosovës në grupmoshën U16, meshkujt - mposht Malishevën në finale

Më: 26 qershor 2022 Në ora: 20:26
Vëllaznimi

Vëllaznimi ka triumfuar në Kampionatin e Kosovës në volejboll për grupmoshën nën 16-vjeç, pasi në finale mposhti Malishevën me rezultat 2-0 (25-10, 25-16) në sete.

Djelmoshat e trajnerit Lend Hasimja ishin superiorë në të dy setet, pavarësisht se ekipi i Zymer Telakut tentoi të bënte më shumë, sidomos në setin e dytë.

Në fund, Vëllaznimi siguroi titullin për të ndezur skena të zjarrta feste në Fakultetin e Edukimit Fizik dhe Sportit, në Prishtinë.

Medaljet për Malishevën i ndau presidenti i Federatës së Volejbollit të Kosovës (FVK), Bahri Gjinovci, ndërsa ishte anëtari i Komisionit të Garave, Lulezim Gërguri ai që dekoroi me medaljet e fituesit Vëllaznimin.

Trofeu u dhurua për kapitenin e ekipit nga sekretari i përgjithshëm i FVK-së, Valon Nikqi, para se të ngritej nga i gjithë ekipi gjakovar që festoi me plot meritë pas paraqitjeve impresive përgjatë kampionatit.

Federata e Volejbollit të Kosovës uron Vëllaznimin për shpirtin e kampionit të treguar, derisa përgëzon Malishevën për sportivitetin dhe maturinë kompetitive të treguar.

Image
Vëllaznimi
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat