Partizani i rrëmben kapitenen skuadrës së Barleti Volley

Volejboll

Partizani i rrëmben kapitenen skuadrës së Barleti Volley

Më: 26 korrik 2022 Në ora: 11:58
Partizani i rrëmben kapitenen skuadrës së Barleti Volley

Skuadra e Partizanit në volejboll për femra, përmes një postimi në rrjetet sociale, ka konfirmuar transferimin e lojtares Enkeleda Braho.

Kjo e fundit ka lënë skuadrën e Barleti Volley, ku është aktivizuar gjatë 5 viteve të fundit dhe ishte kapitene, për të nisur një aventurë të re.

Shuterja 30-vjeçare, tashmë është pjesë e Partizanit, fanellë të cilën e vesh për herë të parë në karrierën e saj.

Më herët ajo ka luajtur edhe për Tiranën në kampionatin e volejbollit. Ajo ka fituar dy tituj kampionë në Shqipëri.

Skuadra kryeqtetase ka plane e ambicje të mëdha për sezonin e ri sportiv 2022-2023 dhe transferimi i një prej shutereve më të mira të Superligës e konfirmon këtë gjë. Pritet që klubi i kuq të ndërhyjë sërish në merkato, duke afruar si lojtare vendase ashtu dhe të huaja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat