KV Prishtina F reagon: Po qarkullon një lajm i rrejshëm 

Volejboll

KV Prishtina F reagon: Po qarkullon një lajm i rrejshëm 

Nga: K. G. Më: 10 gusht 2022 Në ora: 16:02
Logo e Prishtina F

Klubi më i vjetër i volejbollit në kryeqytetin e Kosovës (femrat), Prishtina F, reagon në lidhje me disa thashetheme.

Kryesia e KV Prishtina F, tha se klubi është i organizuar ashtu si i ka hije dhe askush nuk e ka të drejtën të flet në emër të saj.

Reagimi i klubit ka ardhur në adresë të redaksisë, duke përgënjeshtruar çdo deklaratë të çdo individi apo personave pa kompetencë që e lakojnë emrin e klubit.

“Reagim:  Po qarkullon një lajm i cili është i rrejshëm dhe klubi nuk është në negociata me askënd për ndonjë pozitë në klub përveç trajnerit dhe përforcimet me volejbolliste.

Klubi i ka të gjitha strukturat ashtu si i ka hije si klubi më i vjetër në kryeqytet, ka presidenten, drejtorin sportiv, sekretarin teknik. Klubi është duke punuar në krijimin e strukturës administrative.  

Si klub i kemi përcaktuar objektivat tona për edicionin e ri dhe së shpejti do t’i shpalosim ato”, reagon KV Prishtina F, e cila e mban në logo portretin e ish sekretares historike të Shteteve të Bashkuara të Amerikës, Madeleine Albright.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat