Gjinovci viziton kampin stërvitor të Kosovës U18, para Kampionatit Evropian

Volejboll

Gjinovci viziton kampin stërvitor të Kosovës U18, para Kampionatit Evropian

Më: 29 gusht 2022 Në ora: 00:34
Gjinovci viziton kampin stërvitor të Kosovës U18, para Kampionatit Evropian

Ekipet e Kosovës  U18, meshkuj dhe femra, do ta përfaqësojnë Kosovën në Kampionatin Evropian U18, në Beach Volley, i cili do të zhvillohet në Greqi mes datave 1-4 shtator.

Presidenti i Federatës së Volejbollit të Kosovës, Bahri Gjinovci së fundmi vizitoi të dy ekipet në kampin stërvitor në "Holiday Resort", ku përcolli nga afër mbarëvajtjen e përgatitjeve para këtij kompeticioni tejet të rëndësishëm të volejbollit në rërë.

Në konkurrencën e femrave, Kosovën do ta përfaqësojë dyshja Megi Bislimi/Rrezelinë Thaqi, e udhëhequr nga trajneri Lorik Ilazi.

Në anën tjetër, te meshkujt, ekipi 'Dardan' përbëhet nga çifti kampion i Kosovës për vitin 2022, Erit Bajrami/Gani Rexhepi, i drejtuar nga trajneri Fatlum Hajrizi.

Të dy ekipet po stërviten intensivisht para dueleve mjaft interesante që i presin në Athinë të Greqisë.

Gjinovci u uroi të dy ekipeve suksese dhe përfaqësim sa më dinjitoz.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat