Fer Volley i Ferizajt është gati për edicionin e ri në Superligën A.
Vashat ferizajase synojnë të gjitha trofetë.
Në hapje të edicionit të ri do të kanë mungesë lojtaren më të mirë Valmira Ramadanin e cila është e dënuar me një ndeshje nga Komisioni Disiplinor i FVK-së.
“Këtë fundjavë fillon Kampionati i Kosovës në volejboll, ekipi ynë padyshim se ka ca ndryshime në staf dhe lojtare por qëllimi asnjëherë.
Fer Volley këtë të shtunë e fillon kampionatin kundër ekipit të Fushë Kosovës të cilët janë mobilizuar mjaftë mirë këtë vit duke ofruar lojtare edhe nga jashtë, kurse Fer Volley këtë sfidë e fillon me lojtare vendore si dhe me mungesën e Valmira Ramadanit e cila është e pezulluar 1 ndeshje nga Federata.
Gjithsesi Fer Volley në radhët e veta ka lojtare vendore mjaft cilësore dhe besojmë se do ja dalim.
Planet e klubit pa dyshim se nuk kanë ndryshuar sidomos pas konfirmimit të afaristit të njohur Xhevxhet Ajeti se edhe këtë vit do jetë përkrahës i madh i klubit synimet nuk kanë ndryshuar.
Fer Volley është duke studiuar tregun pasi dëshiron që në radhët e veta të sjellë lojtare të dëshmuara dhe kualitative”, njofton mes të tjera Fer Volley.