Adnan Imeri, zgjidhet kryetari i Fondit Humanitar për Preshevë, Bujanoc dhe Medvegjë në Zvicër

Zvicra

Adnan Imeri, zgjidhet kryetari i Fondit Humanitar për Preshevë, Bujanoc dhe Medvegjë në Zvicër

Më: 7 prill 2022 Në ora: 17:14
Pamje nga mbledhja ku Adnan Imeri u zgjodh kryetar i Fondit Humanitar për Preshevë, Bujanoc dhe Medvegjë në Zvicër

Fondi Humanitar për Preshevë, Bujanoc dhe Medvegjë në Zvicër, është subjekti i ngritur si bashkim zemrash për një solidaritet të përhershëm vëllazëror ndaj viseve dhe trojeve amtare. Në historinë prej 25 vitesh të ekzistencës së tij ka kontribuar me ndihma dhe akte të fuqishme solidariteti në Kosovë, Shqipëri e në veçanti në Luginën e Preshevës.

Kurdoherë që e ka lyp nevoja, Fondi është përgjigjur me gatishmëri dhe bujari shqiptare, duke lënë gjurmë të fuqishme mbështetjeje për vëllezër të prekur nga fatkeqësi të ndryshme natyrore, për familje të lënduara nga luftërat apo edhe nga fatkeqësi të ndryshme, për qytetarë të cilët janë përballur me probleme shëndeti dhe me pamundësi financiare etj. etj. Por në kronikën e ndihmesave të fuqishme vëllazërore, Fondi është regjistruar si donatori dhe kontribues në projektin më të madh, atë të ndërtimit të 100 shtëpive në Luginën e Preshevës, duke dëshmuar dhe mundësuar edhe një rezistencë të ndaljes së shpopullimit të trojeve tona.

Ndihmat e shpeshta për të varfëritë, subvencionet për studentët dhe interesimi pranë administrative shtetërore dhe analeve diplomatike për shkollimin e të rinjve dhe të rejave të Luginës, përbën një tjetër veprimtari të çmueshme të Fondit Humanitar. Energjia kontribuese e këtij bashkimi vullnetar dëshmohet edhe më premtuese tashmë kur në krye të tij janë zgjedhur drejtues të rinj, të cilët në vazhdim të traditës po forcojnë lidhjet me përfaqësues dhe drejtues institucionalë të shteteve tona dhe organizatave gjithëkombëtare.

Image
Pamje nga mbledhja ku Adnan Imeri u zgjodh kryetar i Fondit Humanitar për Preshevë, Bujanoc dhe Medvegjë në Zvicër

Kështu në fund të muajit maj, në Wetzikon të Kantonit të Zyrihut, Fondi mbajti Kuvendin e saj të dhjetë, zhvilloi zgjedhjet e reja për mandatin e ardhshëm. Pas një elaburimi të punëve që janë bërë në mandatin e kaluar nga kryetari Ahmet Bektashi, vazhduan procedurat për zgjedhjet e kryetarit dhe kryesisë së re të Fondit.

Me vota unanime për kryetar u zgjodh Adnan Imeri, i cili prej vitesh ka dhënë një kontribut të paçmuar pranë kësaj organizate humanitare.

Image
Pamje nga mbledhja ku Adnan Imeri u zgjodh kryetar i Fondit Humanitar për Preshevë, Bujanoc dhe Medvegjë në Zvicër

Ndërkaq kryesia e re përbëhet nga:

Kryesia

Adnan Imeri - Kryetar

Skender Memishi - zv.Kryetar

Dul Krasniqi - Nënkryetar

Ahmet Bektashi - Nënkryetar

Skender Destani - Sekretar

Arsim Ramizi - Arkëtar

Antarët e Kryesisë:

Avdi Osmani

Agon Latifi

Miftar Ibrahimi

Faton Qerimi

Ramadan Nuhiu

Këshilli Mbikqyrës:

Muhamet Ibrahimi

Fadil Rama

Image
Pamje nga mbledhja ku Adnan Imeri u zgjodh kryetar i Fondit Humanitar për Preshevë, Bujanoc dhe Medvegjë në Zvicër

Si të ftuar nderi ishin: Valon Gashi, Këshilltar në Ambasadën e Republikës së Shqipërisë në Bernë, Fadil Selmani, kryetar i Lidhjes së Shoqatave të Preshevës, Medvegjës dhe Bujanocit në Zvicër, Xhelal Memeti, ish-kryetar i Fondit dhe antarë nderi, si dhe Vaxhid Sejdiu, Koordinator i "Shkollës Shqipe" në Zvicër.

Kryetari i sapo zgjedhur, Adnan Imeri pasi falënderoj të pranishmit për besimin e dhënë, theksoi se nuk po pranoj një "barrë", por një obligim që njëherit është nder dhe privilegj që me një përgjegjësi të madhe duhet drejtuar Fondi dhe së bashkë të vazhdojmë misionin tonë të shenjt.

Image
Pamje nga mbledhja ku Adnan Imeri u zgjodh kryetar i Fondit Humanitar për Preshevë, Bujanoc dhe Medvegjë në Zvicër
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat