PDK përgatit Kuvendin Zgjedhor në Zvicër

Zvicra

PDK përgatit Kuvendin Zgjedhor në Zvicër

Më: 25 prill 2022 Në ora: 17:14
Foto ilustrim

Partia Demokratike e Kosovës ka formuar nëndegët e saj në shumicën e Kantoneve të Zvicrës ku jeton mërgata shqiptare dhe në mes të muajit maj, ka vendosur ta mbajë Kuvendin Zgjedhor të PDK-së në Konferederatën e Zvicrës për të kompletuar organizimin politik të mërgatës në këtë shtet.

Pas më shumë se 12 viteve të pauzimit të aktivitetit politik në mërgatë, Partia Demokratike ka nisur riorganizimin e saj politik kudo ku jetojnë shqiptarët.

Udhëheqësi i Komisionit për organizimin e PDK-së në mërgatë, deputeti Elmi Reçica po vazhdon punën në terren për të organizuar Kuvende Zgjedhore në secilin vend ku jetojnë shqiptarët në mërgatë.

Mbrëmë, Reçica ka marrë pjesë në themelimin e këshillit nismëtar të nëndegës së PDK-së për Kantonin e Bernit në Zvicër.

“Në këtë mbledhje ku të pranishëm ishin, bashkëveprimtarë, intelektualë e aktivistë të devotshëm të PDK-së, kryetar u zgjodh Orhan Memishi, ndërsa nënkryetar Adnan Gashi. Po ashtu u zgjodh kryesia prej 7 anëtarëve. Partia Demokratike e Kosovës po vazhdon që të themelojë nëndegët e saj në të gjitha qytetet ku jeton mërgata jonë. Jemi të përkushtuar që bashkarisht të punojmë për të ardhmen e vendit tonë”, ka bërë ditur Reçica në faqen e tij në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat