Banorët e Indonezisë paralajmërohen për rrezikun e cunamit të ri - Bota Sot
Banorët e Indonezisë paralajmërohen për rrezikun e cunamit të ri

Afrika

Banorët e Indonezisë paralajmërohen për rrezikun e cunamit të ri

Më: 24 dhjetor 2018 Në ora: 08:24
Pamja pas dëmeve që ka shkaktuar cunami në Indonezi.

Banorët e ishullit vullkanik të Indonezisë, Anak Kraktau janë paralajmëruar që të qëndrojnë larg bregdetit për shkak të shqetësimeve se ata mund të përballen me një cunami të ri.

Të shtunën, valët gjigante të detit kanë goditur zonat bregdetare të ishujve, Sumatra dhe Java duke lënë të vdekur të paktën 281 persona dhe duke plagosur 1,016 të tjerë.

Sipas raportimeve, ka mundësi që vullkani është aktivizuar si pasojë e disa rrëshqitjeve të dheut nën det, të cilat kanë rezultuar me valë vrasëse.

Ndërkohë të dielën ishulli vullkanik Anak Kraktau ka shpërthyer sërish duke hedhur tym dhe hi.

Zëdhënësi i Agjencisë për Menaxhimin e Katastrofave Kombëtare, Sutopo Purwo Nugroho, ka thënë në një konferencë për media se ekziston mundësia e përballjes me një tjetër cunami për shkak të shpërthimeve të vazhdueshme të Anak Krakataus.

“Agjencia për Meteorologji, Klimë dhe Gjeofizikë u rekomandon personave që jetojnë afër zonave bregdetare, të pezullojnë të gjitha aktivitetet detare dhe të qëndrojnë larg brigjeve për një periudhë”, ka thënë ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...