Opozita në Sudan thotë se ka nxjerrë dhjetëra trupa të vdekur nga lumi - Bota Sot
Opozita në Sudan thotë se ka nxjerrë dhjetëra trupa të vdekur nga lumi

Afrika

Opozita në Sudan thotë se ka nxjerrë dhjetëra trupa të vdekur nga lumi

Më: 5 qershor 2019 Në ora: 15:17
Pamje nga protestat në Sudan.

Dhjetëra trupa janë nxjerrë nga Lumi Nil në kryeqytetin e Sudanit, Kartum, pas shtypjes së dhunshme të protestave pro-demokratike, kanë thënë aktivistë opozitarë.

Doktorët e lidhur me opozitën, kanë thënë se 40 trupa janë në mesin e 100 personave që besohet se janë vrarë, prej kur forcat e sigurisë kanë sulmuar një kamp të protestuesve ditën e hënë.

Anëtarët e një grupi paramilitar është raportuar të kenë sulmuar civilët.

Këshilli i Përkohshëm i Sudanit, që aktualisht është duke udhëhequr këtë vend, është zotuar për të kryer hetime.

Banorët në Kartum i ka thënë thënë BBC-së se ata janë duke jetuar në frikë, teksa Forcat e Reagimit të Shpejtë janë shpërndarë nëpër rrugë.

“Katërdhjetë trupa të martirëve tanë janë nxjerrë nga Nili dje”, ka thënë Komiteti Qendror i Mjekëve të Sudanit përmes një postimi në Facebook të mërkurën.

Protestuesit kanë pushtuar sheshin afër selisë ushtarake nga 6 prilli, përkatësisht disa ditë pasi presidenti Omar al-Bashir është rrëzuar nga pushteti, pas 30 vjetëve në këtë pozitë.

Përfaqësuesit e tyre kanë qenë duke negociuar nga Këshilli i Përkohshëm dhe janë pajtuar për një tranzicion trevjeçar, që do të rezultonte me zgjedhje.

Mirëpo ditën e hënë, forcat kanë hyrë në mes të protestuesve dhe i kanë sulmuar ata me armë zjarri.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...