Hoti: Do të marrim masa që t’u krijojmë kushte bizneseve, por edhe të mbajmë nën-kontroll situatën me COVID

Aktuale

Hoti: Do të marrim masa që t’u krijojmë kushte bizneseve, por edhe të mbajmë nën-kontroll situatën me COVID

Më: 21 dhjetor 2020 Në ora: 09:44
Avdullah Hoti

Qeveria e Kosovës ka zhvilluar sot mbledhjen e radhës, por nuk është bërë e ditur nëse do të ndryshohen masat anti-COVID.

Kryeministri Avdullah Hoti ka deklaruar se ka dyndje të madhe të qytetarëve dhe do të kujdesemi që me masat që ndërmarrim për mbrojte nga COVID të krijojmë kushte të volitshme për bizneset si dhe për të lëvizur qytetarët, por në të njëjtën kohë do të sigurohemi të mbajmë nën kontroll situatën me COVID.

“Raportet deri më tash janë vërtet pozitive, masat e ndërmarra më herët kanë ndikuar dhe numri ka rënë nën 200, nga 700 raste sa kemi pasur brenda 24 orëve.Në bazë të informacioneve që kemi pasur nga Institutit Kombëtarë bëhet e ditur se ne jemi në mesin tri katër vendeve që më së miri e kemi menaxhuar situatën me COVID-19, dhe duhet të sigurohemi se tani kur kemi fluks të madh të qytetarëve për festa tu krijojmë atyre kushtet që të kënaqen me familjet e tyre dhe të marrim masa për ti mbrojtur qytetarët e bashkatdhetarët”, tha Hoti

Ndryshe gjatë ditëve të fundit pati rënie të numrit të të infektuarve, por edhe të viktimave.

Masat e fundit anti-COVID u morën më 11 nëntor, ku qytetarët ende vazhdojnë të kenë të ndaluar qarkullimin e lëvizjes nga ora 19:00, deri në ora 05:00 të mëngjesit.

Varësisht nga rreziku, komunat janë të ndara në zona e më të rrezikshmet janë ato në zonën e kuqe.

commentFirst article
Sot mund të lexoni Shfletoni kopertinat