Fillimisht pati kritika për kandidaten e VV-së për deputete, Bernarda Radonçiq, për të cilën thanë se nuk është shqiptare, mirëpo më pas u konfirmua se ajo është një vajzë e lindur në Danimarkë, me rrënjë shqiptare, saktësisht nga Gucia.
E lidhur me këtë ka reaguar edhe deputetja Duda Balje, e cila në një postim në Facebook ka thënë se edhe partia e saj ka në radhët e veta një kandidate me mbiemrin Radonçiq.
Bëhet fjalë për Fikreta Radonçin, e cila është boshnjake.
Lajmin e ka bërë të ditur vet Duda Balje në Facebook.
Postimi i saj i plotë:
Jo vetëm VV, por edhe SDU ka Radonçiqin !
Nuk është vetëm Vetëvendosje ( VV) që ka kandidatë me mbiemrin Radonçiq, e kemi edhe ne si parti ( SDU) boshnjake, dhe me krenari e paraqesim boshnjaken tonë si kandidate për deputete në Kuvendin e Republikës së Kosovës!
SDU dhe unë si lidere e partisë jemi shumë krenare me Fikreta Radonçiq!
