Ish-këshilltarja e Pacollit i bashkohet iniciativës së Vjosa Osmanit

Aktuale

Ish-këshilltarja e Pacollit i bashkohet iniciativës së Vjosa Osmanit

Nga: M.H Më: 27 janar 2021 Në ora: 09:48
Behgjet Pacolli dhe Vjosa Osmani

Ish-këshilltarja e kreut të AAK-së, Rejhan Vuniqi përmes një shkrimi në facebok ka bërë të ditur që i është bashkuar iniciativës së Vjosa Osmanit.

Vuniqi shkroi që si vend po ballafaqohemi me tri vështirësi duke filluar nga pandemia, vëshrimet e mëdha e kaosi politi-zgjedhjet, përcjell “Bota sot”.

Ajo u shpreh që edhe pse me halle dhe me vështirësitë e jetës, ata tashmë GUXOJNË të kërkojnë dhe e duan NDRYSHIMIN!

Postimi i plotë

Edhe pse në prag të hyrjes së vitit 2021, uruam dhe shpresuam që ky vit do të jetë vit i mbarë dhe i suksesshëm për të gjithë ne. Por si duket po na del që e filluam prapë me këmbë të majtë.

Gërshetimi i tri fatkeqësive që po ndodhin në këtë fillim viti në Kosovë, pandemia, vërshimet e mëdha dhe kaosi politik-zgjedhjet, janë jashtëzakonisht të rënda dhe të papërballueshme për qytetarin e Kosovës.

Karshi një qeverie të dobët në ikje, karshi një infrastrukture të dobët të shëndetësisë, tani edhe me rrezikun nga mutacioni i ri i virusit, si dhe karshi një fatkeqësie natyrore, çdo ditë e jona, e qytetarit të Kosovës, po del të jetë betejë e re për mbijetesë.

Përderisa qytetari lufton për të mbijetuar në këtë vend të pashpresë, kasta jonë politike lufton për të triumfuar në betejën e tyre të quajtur pushtet.

Por, po harrojnë se pushtetin ia u japin mu këta qytetarë!

Prandaj, edhe pse me halle dhe me vështirësitë e jetës, ata tashmë GUXOJNË të kërkojnë dhe e duan NDRYSHIMIN!

T’i ulim shpatat e ngritura dhe ta dëgjojmë zërin e çjerrur të këtij populli të cilët dëshpërimisht duan të dalin nga kjo humnerë e krijuar nga vet ata që i kanë votuar deri më tani.

#GUXOteNDRYSHOSH

#guxomevjosen

Edhe pse në prag të hyrjes së vitit 2021, uruam dhe shpresuam që ky vit do të jetë vit i mbarë dhe i suksesshëm për të...

Posted by Rejhan Vuniqi on Wednesday, 27 January 2021
Shfaq komentet
comments powered by Disqus
Sot mund të lexoni Shfletoni kopertinat