Kreu i AKR-së, Behgjet Pacolli ka folur edhe për ish bashkëpunëtorin e tij, tash anëtarin e Vetëvendosjes, Agim Bahtirin dhe incidentin në Mitrovicë në një tubim elektoral.
“Njerëzit e dhunës, njerëzit që gënjejnë, nuk i dua. Nuk e dua ambientin ku janë ata njerëz”, ka thënë Pacolli.
Ai ka thënë se nuk është asgjë e re dhuna dhe problemet që janë shkaktuar aty.
“Unë çdo ditë ballafaqohem me sharje e fyerje nga më të këqijat. Marrë fyerje me gjuhën e poshtër që e mbështetë Albin Kurti. Ajo nuk i bën nder as Albin Kurtit. Parim i tyre është se vetëm me gjak arrihet qeverijes, me fyerje me sharje arrihet deri në qeverisje. Në komente shoh sharje dhe fyerje më të poshtrat. Besomni, janë të frikshme ndonjëherë ato që i lexoj”, ka thënë Pacolli.
Tutje Pacolli ka thënë se ai nuk ka armiq dhe se ia zgjat dorën secilit.
