Xhavit Haliti tregon a u zgjodh deputet

Aktuale

Xhavit Haliti tregon a u zgjodh deputet

Më: 19 shkurt 2021 Në ora: 19:51
Nënkryetari i PDK’së Xhavit Haliti

Nënkryetari i PDK’së Xhavit Haliti thotë se nuk e di nëse është zgjedhur deputet i Kuvendit të Kosovës. Por ai ka hedhur poshtë raportimet e mediave që e lënë atë pa ulëse në parlament.

Haliti ka folur edhe për humbjen e PDK’së në zgjedhje. Thotë se në Pejë, atje ku ai është kryetar dege, partia e tij nuk humbi.

Duke folur për RTK’në, Haliti ka hedhur akuza ndaj komisionierëve që numërojnë votat e kandidatëve në Qendrën e Numërimit në Fushë Kosovë.

“Ka plot prej atyre që paguajnë komisionerët që numërojnë votat. Edhe arushat e dijnë këtë. Ligji e ka legjitimu këtë. Është sikur unë të ulem me tre shokë dhe i bëjmë ato gjëra. Këtij ia shtojmë disa vota, atij ia marrim disa, e kështu me radhë”, ka thënë Haliti.

Sipas tij, duhet të ketë transparencë në numërimin e votave, e jo kjo të bëhet në mënyrë të fshehtë.

Haliti ka thënë se Kosova duhet t’i ketë të paktën shtatë zona zgjedhore ose të shkohet sipas sistemit mazhoritar.

“Edhe mbyllja e listave është më e mira, prandaj duhet të jetë një metodë e numërimit që mundëson jo manipulimin e numërimit. Të ketë edhe kamera gjatë numërimit që secila votë të shihet”, ka thënë Haliti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat