Protestojnë punëtorët e "Ferronikel"-it

Aktuale

Protestojnë punëtorët e "Ferronikel"-it

Më: 28 tetor 2021 Në ora: 07:47
Foto

Sot ora 11:30 në Prishtinë, nën organizimin e Sindikatës së Pavarur të Punëtorëve, punëtorët e kompanisë “NeëCo Ferronikeli” do të protestojnë para Qeverisë së Kosovës.

Protesta thirret siç thuhet si pasojë e mungesës së interesimit nga ana e qeverisë për gjendjen e rreth 1,000 punëtorëve të kompanisë, të cilët që nga 8 tetori janë të papunë.

Kërkesë do të jetë trajtimi serioz institucional i kësaj çështjeje për gjetjen e një zgjidhjeje të shpejt.

Gjatë protestës do të respektohen rregullat ligjore për luftimin e pandemisë COVID-19.

Kujtojmë se javë më parë, përshkak të krizës energjetike në Evropë dhe ngritjes së çmimit të energjisë elektrike në tregjet globale, “Ferronikel” u detyra që ta ndërpresë punën përkohësisht.

Gjendja në fabrikën “Ferronikel” dhe vendimi i Qeverisë së Kosovës për gazin ka përplasur javë më parë edhe ministrin e Financave, Punës dhe Transfereve, Hekuran Murati me deputetin e Partisë Demokratike të Kosovës (PDK), Ferat Shala dhe deputetin e Lidhjes Demokratike të Kosovës (LDK), Driton Selmanaj.

Fajtor kryesor për gjendjen në fabrikën “Ferronikel” Murati e ka bërë PDK-në, sipas tij krejt kjo përshkak të korrupsionit dhe hajnive të kësaj partie në “Ferronikel”.

Akuzave të Muratit i reagoi Shala për çka tha se është mjerim të dëgjohet një ministër i Financave që pyet se çka fiton shteti nga një ndërmarrje private industriale. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat