Kurti uron hebrenjtë për festën Hanukkah

Aktuale

Kurti uron hebrenjtë për festën Hanukkah

Më: 29 nëntor 2021 Në ora: 22:24
Albin Kurti

Kryeministri i Kosovës Albin Kurti ka uruar komunitetin hebre me rastin e festës Hanukkah.

“Sonte është nata e dytë e Hanukkah, urimet më të mira për të gjithë miqtë tanë hebrenj që festojnë.

Kujtojmë se në fund, drita gjithmonë do të triumfojë mbi errësirën dhe liria do të lulëzojë kundër shtypjes”, shkruan Kurti në një postim në Twitter.

“Hanukkah”, që në shqip do të thotë “përkushtim”, festohet në përkujtim të fitores së kryengritësve të lashtë izraelitë, Makabinjëve mbi ushtrinë greko-siriane dhe mrekullinë e mëvonshme të rishenjtërimit të Tempullit të Shenjtë në Jeruzalem dhe rivendosja e Menorës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat